La counsèrbo dé Prunos

Célestin Barral

Arribo pla prou soubén qué ia dé moundé qué soun misérablés quand soun pér abé ço qué cal. Ero ço qué arribao am’uno paouro fénno dés Coiundoms.Soun hommé sans o fa ésprès la daissèe béouso am’uno bordo è sèt maïnachés è éncaro un paouc caousits pér èssé trafiès è sacripans, è gaïrébé tout de drollés.Rijo pas touchoun mes éscontaon pla mal quand mémo. Un joun quirdo lé ségound qué trafiquao pr’aqui è y dits :Tè louis prén aquél argén è baï quèrré un pa à Mountjoïré chèl boulangè nous cal sans manco fa al four douma. Alabéts prèsquébé tout lé moundé abio un four é sé fajo lépa Aquél drollé prén aquéssaousés è part sul cop cop sans sé fa prèga. D‘aïllur la Mama badinao pas soubén amou qu’élocoïllo dé biscouaïllo. Mountèe al tèrmé è ba chèlé boulange.Mès én passan pér las carrièros abio tout bist ço qué y abio dé drollés ou dé caousos. Quand arribèe sur la plaço qué infilèe la carrièro dél boulangé qué és un paouc éscuro, té ba abisa dénaout dins un finèstrou joust la tèoulado, sous èls dé faleon té ban abisa uno Ménino qué prégno lé frése è de las grossos !

pubs non contrôlées par le site  "Stress, Yoga et Psychosonique".

Ero aco chè lé noutari, qué n’abio lé rénoun dé grouman. Un ogré dé capous, dé pincos é dé piotos, amaï  dé tout ço qué èro bon a mangea ou à béouré.Mangeao pas qu’un cop pér joun, mès aban d’èssé countént gn’in caillo énormomén.Bitomén lé Louis baïsso lés èls pér sé fa pas bésé à lourgna la Ménino qué sé jamaï lé patron o poudio suppousa èro pas én péino pér y o fa paga. Arribo éntal boulangè amés èls baïssats coumo uno prumièro coumunianto.Sé prén lé pa lé  pago è s ‘én ba, mès tout én s’én anan, alounguèe un bricou pél bilaché pér passa daban lé massou è bésé, sans fa sémblan dés rés, sé y abio l’éscalo loungo.Ero dins la capèlo qué atténdio dé randré sérbici al moundé.A parti d’aquél moumén s’arrèstèe pas én loc juncos as Coundoms. Mès apèi caillo prébéni lés coumpèros è èron déspartits pér touto la coummuno.

Co qué y dounao lé maït à sousea èro pér décida sa maïré à lé daïssa parti atal én pléin joun, quand lés aoutrés trabaillaon.Anfin y arribèe én méntin ou aoutromén.Lé prumiè à bésé èro lé Jan Suzi, èro l’hommé dé boun counsél, qué sé fa pas rés sans él.E manubrèe pér sé fa pas rémarqua, è à toutis dous préparèon lé coumplot qué caïllo pas réméttré è surtout s’y fa attrapa, car y o abron faït paga pla pus car qué nou abron boulgunt, car lé noutari èro un hommé pouissént èt surtout pla bénjiboul. La nèit arribèe doun é lés galapians sourtisquèon pér sé réuni è ana fèsta la Ménino.

Eron quatré triats forts décidats è hardits, n’abion bésoun.La Ménino, èro dins uno carrièro pla éstréito, ame d’oustalsés naous, qué y habitaon pla dé moundé. Quand l’houro arribèe anguèon sèrea l’éscalo dél massou dins la capèlo à trabèts l’oustal. Eron toutis pè-nuds, pénsaon pas qué poudion marca dé béiré.Ero pla prou pèsucco, lé massou dounao pas sinnés dé bido, pla douçomén la énnaïron à lours éspallos è à dous la s’émporton, lés aoutrés dous surbéillaon la marcho, qué fousquèsson pas susprésis, un darrè, l’aoutré daban. Tout sé passèe pla, qué s’énténdèe pas souloméns uno pèiro à roulla è parton cats à la carrièro dél boulangè.Lés surbéillants passon daban pér s’assiura qué  dins touto la carrièro y abio pas dins dé lèbat mal à prépaous. La nèit anao pla fajo luno mès uno luno mièjo amagado, prou pér daïssa trabailla. En arriban sé métton à l’obro, tout èro coumbéngut d’abanço paouson l’éscalo, dé suito un mounto sur L’ésparron dél founs, lés aoutrés dons prénon l’éscalo pés mountants lé quatrièmo, qué pourtao uno fourco margado loung, énnasto un branc à lapourtado qué cal è am’un signal coumbéngut, l’éscalo s’énnaïrèe è d’un moubomén lanté anguèe s’afficha gaïrébé costo la Ménino, én abén l’aïré dé y diré(bonjoun) sans abé faït lé méndré brut.Dé suito le Louis grimpo lés ésparrous è la rprénam’un brassat, déballo amé précaoution, mès tant bité qué poudio.

E tournon répéné lour ordré dé marcho, dous porton l’éscalo è lés aoutrés dous surbèillon un én aban l’aoutré én arré. En arrè èro lé Louis amé la counsèrbo  dé prunos qué pèsas pla prou, sémblao uno mama qué porto soun fil, gras è frése, s’y crèbo déjoust, mès y fa pas rés, és soun fil, lé pus pourtant maïnaché dé l’éndrét. Ban doun paousa l’éscalo, mès apèi caillo-bé paousa la, Ménino, am’un loc sigur pér atténdré las émbitations car dins sa panso y abio dé qué pér maït qué lés quatré qu’èron è lour y caillo pla lé l’endouma pér o fa sabé as amits caousits pér n’én garda lé sécrèt.Dès qu’aoujèon més l’éscalo à sa plaço anguèon sèrca la dé la Ménino. Aprèp discussion à l’ourmé dél Barry, débalèon la costo qué méno à Bourdaïa.Aqui y a uno fobio qué ia pla dé traoussés dé lapins, agrandits pés goussés è lés raïnards. Aqui séra pla, fougnado dins uno tutto accatado dé ramos, atténdra qué soun tour béngo. E s’én ban cadun chès él, èron counténs digus léo abio pas bistis.

E lé léndouma prébénguèon lés frèros, caousits, pér qué dins n’én sapièsso pas rés pér o tourna racounta à l’Ogré. Lé léndouma toutis lés qué caïllo sabion l’éndrét è l’houro justo. Toutis dispaousats coumo sé dibio agaïtaon courré l’houro à lapendulo è trélampaon dé parti, car caillo la pléino nèit, lé moumén ount tout dromp sur la tèrro qué digus sé troubèsso pas dé béni toumba mal à prépaous pél mieit dé la fèsto al mouménque battro soun plé.Exactomén arribèon  à l’houro dits, digus mancao pas. Dé suito anguèon à la Ménino, ia déscatèon débotomén é la ban acastilla sur uno pilo dé fagots qué y abio aqui è pér y randré las haounous sé métton à y dansa aléntour un branlé déscabéstrat ; mièjhouro birèon én saoutillan sans quitta.Quand y aoujèon prou randut las haounous lé Louis s’approcho pér la déscouffa è coumo aqui èro pla à la pourtado qué cal , él lé prumiè y salso las mas é n’én prénguèe un brabé juntat d’aqélos prunos è dél sirot qué rajao pér tout.

Toutis sèt bénguèon sé serbi cadun à soun tour.Dé prunos qué jamaï abion pas chapillat las parèillos ; è y mousègaon cadun dins soun juntat coumoun tésson manjo dins soun barquét. E aquélo, Ménino, abio lé béntré talomén gros qué pér la buja , lés y fasquèe tourna plujurs cops, amaï fajon lés juntats tant brabés qué poudion ? Anfin, qué abio talomén dé résèrbos qué lés y adalisquèe à toutis.Sé qn’abio aït maïtabro calgut pourta l’émbuc dé las aoucos. Poulsèon un bricon aban dé poudé fa rés maït. Apèi tournèon éstuja la counsèrbo budo è abricaillado pla fi accatado dé ramos coumo èro aban è la y daïssèon pér l’étèrnitat.Quant amélis cadun s’én tournèe chès él coumo pousquèe, pla résouluts à o fa pas sabé à cap dé prèts qué quand lé noutari sèio mort, l’histouèro mé dis pas sé toutis arribèon coumo cal pér sé méttré al illèit. Qu’un soubéni dé groumandiso…..

Google
  Web "les petites toulousaines"   

© Copyright Bernard AURIOL (email = auriol @ free . fr)

dernière mise à jour le

14 Décembre 2005