D’Auzignac dit Plusatal

Célestin Barrat

Quand calguèe qué Henri 4 sé gagnèsso soun troné én 1589, lés gascous fousquèon lé pus grand noumbré dé sous souldats. Pér lés sèréa aqués souldats dé prou grossés séignous fousquèon caousits pér Henri dé Nabarro pér trouba tout aquél moundé qué caillo pér abé la bittouèro. Un Moussu dé Lartigolo fousquèe d’aqués. Un séignou pas trop maïssant é prou hardit pér sé plasé à las loungos bataillos dé cops dé  sabrés d’aquélo époco. Quand arribèe lé téns dé calé parti cats à Paris abio arrémousat un boun noumbré dé galapians caousits, d’aqués qu’an pas trop frét as èls. Aqui sé troubao Daouzignac bailétot d’uno bordo bésino, prou brabé, mès pla cap fèlat, tout à fait sans paou, dégourdit, amé d’idèios toutos nobos à touchoun prèstos. Eprébision dé soun noubèl méstiè, séro sèrcat un noundé récambi. Plusatal, è lé siou capitani qué lé counéisio pla y fajo douna calquos lixous dé las armos d’alabèts, qué èron pas dé téns pérdut.

pubs non contrôlées par le site  "Stress, Yoga et Psychosonique".

Dé touto la quoïlo dé Moussu dé Lartigolo èro lé pus finas, pla rigolo è hardit è fort è pla prést amouquél méstiè. Quand lé téns arribèe tout aco parlisquèe à la suito dé soun réi pér cats al nord. Aqués boulountaris tiraon pas al choul quand troubaon un partit dé francimans. Fasquèon pla bouno figuro à Arquos è a Ibry .Lé Plasatal, èro pas dés dariès. Al mièit dés aoutrés tustao bité è fort, mès surtout doublidao pas dé para à téns, qué cap d’éspaso bénguèsso pas trouba un jouèn dé sa cuirasso è y fa dé blassuro à lé méttré foro sèrbiei.Tabés fousquèe touchoun aqui, é mémo sé fasquèe rémarqua pés qué lé ménaon al coumbat. Ero à Arquos, à Ibry è la plupart dés éndréssés ount èro Henric dé Nabarro. Prou lèon tout s’adoubèe. Méttèon lé réi dés gascons sul trôné à Paris.

Lour y paguèon lours sérbicis – Plusatal – D’Aouzignac fousquèe pas boublidat. Récounésquèon soun débouomén én argén, én paraoulos, à maï un parsémi. Tabés s’én tournèe cats à la Gascougno, l’âmo fièro, lé cor countént è la bourso pléino. Sé sèrquèe un camarado pél tétour én cas dé fa calqué maïssanto rencountro, è s’én béngnèon à pichouno étapos én coummuniquan lours proujèts. Soun camarado èro dé Sént-Soumplési sul Tarn. Dé Paris anguèon énsémblé junco aqui. Aprèp un boun dinna d’adiou, D’Aouzignac prénguèe lé cami qué ménao dins la Gascougno én séntin lé pés dés ésents qué sé chambourlaon dins sas pochos, sé troubao laougè pér fa lé cami.Aléntour dé mièitjoun arribao al ras dé Mountjoïré qué l’agaïtao à béni dé lènc. ( Té cal bésé aïssi, sé dissèe, sé trobos à manjo. E séguisquèe las carrolos qué mounton dénaout. Aprèp abé faït lé tour dél bilatché, s’adréssèe al moulignè qué béjèe daban soun mouli pér y démanda ount èro l’uchiss ?(D’uchiss, gna pas cap passo tant paouc dé moundé, mès la fénno fa mangea lés qué n’an bésoun).

- ( Ebé dissèe D’Aouzignac mé baouc aïssi).

– ( Dins un moumén la soupo séra prèsto è la manjarén toutis).Nostré bouyachou s’assièto sul banc è parlèon dé tout én atténdrén dé sé méttré à taoulo.

-(Oh aïssi abèn pas faït dé tant bèlos caousos mès abèn un ségnou qué és pas coumodé.L’aoutré joun s’èro faït rasa pél Toutou dé Pétril,qué lé taillèe calqué boussi, tabés l’abèn pas maït bist dumpèi. Es pla amél goubèrnaïré dé Toulouso qué és éstat béngut en cassan è n’én proufito pér fa ço qué y plaï. Lés sious n’én tiron pla mal).

– (Eh ! bé dissèe D’Aouzignac iéou mé cargui pla dé lé rasa. Quand n’abio bésoun lé baron dé Lartigolo èro iéou qué lé rasaï.-Aco èro un fièr hommé è péndén touto la guèrro !))

– ((Toumbats pla és aouèi dissaté, és lé joun dé Moussu Le Royér, io baouc fa sabé sé boulèts. Iéou soun un paouc à soun sérbiei, lé mouli qué faouc bira y appartén)-(Fasèts oc è sé io cal lé baouc rasa dé suito)).En éffèt lé moulignè tournèe gaïrébé dé suito én y dirén qué lé seignou l’atténdio. D’Aouzignac dins soun cap pamèlao soun cop tout én quéstiounan lé moulignè sur las magnèros dé fa dél tyrannot. Apèi sé prén soun paquét ount abio toutis sous affas, è s’én ba drét énta Mouséignou Lé Royér. Péltiro la quiscaro y bénon dièrbé è lé ménon à la crambo seignourialo. Dél ouèn dé l’èl béjèe un hommé pla prou gras l’aïré pinçat d’un calquun pas trop coumodé. Lé saludo ( Bonjour Moussu lé Royér. Je suis venu vous offrir mes services pour vous raver.Yéver rasaï Mounséignur lé baron dé Lartigolo péndén touto la guèrro).

– (Et comment vous appelez- vous ?)

– (M’appèllè, Plusatal).

- (Eh ! bé rasats – mé y dissèe lé ségnou lé toun un paouc rénèe. D’Aouzignac – Plusatal sans un mot dé maït, sort sous utissés è sé mét én dés bér dé fa dé sabounado è s’approcho dé soun gros clian lé pinsèl à la ma, è garo frèta las gaoutos, la barbo é lé col, è l’impoustouffèe dé pér tout d’uno éspésso coucho dé pégo blanco, coumo cal pér pla coupa lé pél. Frètto lé rasou sul poulissouèr è arlistomén douno un grand cop sur uno gaouto, mès amouquél moumén lé siro fasquèe uno laido grimasse è lé pérruquiè cujèe coupa soun clian .(Bous boulègués pas si bou plait èi eujat bous tailla)L’aoutré réspoundèe pas qué pér un pér un pichourounadis.D’Aouzignac tourno passa dé sabounado è tourno attrapa lé rason l’aïré résoulut è s’approcho dé l’aoutro gaouto.Mès amouquél moumén lé pacha brandisquèe lé cap coumo s’abio aüt la danso dé Sen-Guy è sé fasquèe piqua un pichou boussi.

D’Aouzignac sé réculo à péino è d’un grand balans s’y foutèe un couffal dé touto sa forço quicon qué soulée coumo lé battèdou d’uno labaïro emmalido.Amouquél truc Lé Royér roulèe sul plangè.Mes D’Aouzignac abio rassémblat toutos sas fluscosè èro déjà partit.Débalao la costo dé la Cramantino coumo un chabal éscapat qué tiro dé foc dés quatré fèrs.Dius l’abio pas bist è lé rasat sé tourtillao, s’alisao la gaouto. Tout d’un cop sé lèbo, én baïllan uno rounado dé furon, sourtits è ba cats à laplaço én cridan :( Vous ne m’avez pas vu Plusatal ?)-(Nanni Mounséignur, bous abèn pas jamaï bist atal) y réspoundèe lé faouré qué quittèe dé fèrra l’asé dé Jean Suzy pér admir soun  

Ségnou razat sur uno gaouto rougeo coumo dé foc, plé dé sabounado pértout è qué régassao lés èls coumo un loupfurious.Créjèe qu’èro béngut fat, dissèe pas rés maït.Lé Royér déballèe pér un aoutro carrièro pér démanda éncaro s’abion pas bist lé Plusatal. Toutis y réspoundèon qué l’abion pas jamaï bis atal. Lé Royér touchoun pus inquièt tournèe énta él al castèl. Soun moundé qué l’abion bist à béni s’éron tirats dé daban, troubèe pas qué sa fémo qué filao dins sa crambo. L’attrapo la fout sul illèit, y rétrosso lés coutillous pér y déscatta lé patèrliè è d’un grand cop coumo lé Plusatal y abio faït àmél y baillèe uno patto én dirén.(Atal m’an faït à iéon).E sa fénno lé béjèe lés èls rèchés, uno gaouto rasado é l’aoutro bardissado dé sabounado amé tout lé pél, lé prénguèe pér fat !Gaouzèe pas diré rés. Lé counéissio millou qué digus. Quant al Daouzignac coumo aquo sé sapièe én déjoust y balguèe un aoutré pun d’aounou parmi lés piouchurs dé tèrro dé Mountjoïré, sé méttèe croumpaïré dé tèrro daount troubèe, as Toulzas, y bastiquèe, s’y maridèe è y fousquèe touchoun pla bist !...

 

Google
  Web les petites toulousaines   


 

Google
  Web "les petites toulousaines"   


Psychosonique Yogathérapie Psychanalyse & Psychothérapie Dynamique des groupes Eléments Personnels

© Copyright Bernard AURIOL (email = auriol @ free . fr)

dernière mise à jour le

14 Décembre 2005