Al téns dés Loups

Célestin Barrat

Cal pas crésé qu’amouquélos épocos lé moundé bisquèsson dé la mêmo faïsson qué aro. D’aillurs lés anas dél moundé cambion à cado génération. Lé païré bion d’un biaïs, mès lé fil fa quicon dé noubèl qué dins la famillo dins y abio pas pénsat. Lés bièls palabèssaon, sègaon am’un piat è laouraon am’un arnés qué pér nous aous sémblo foutut à cops dé pains, un arnés qué èro gaïrébé tout én bouès. Galoupaon d’un éndrét à l’aoutré touchoun à pè amés ésclots.Pér ana quèrré dé sal quand gn’abio pas maïto anaon dé Mountjoïré à Mountalba, à pè amés ésclots è méttion sul col uno pugnèro dé sal.Pér ana al mèrcat à la fièro touchoun à pè è lés ésclots. Amouquél téns prèsquébé toutis abion d’aouéillos qué bibion de ço qué s’accassaon è aco bégno pla pés loups, qué quoqué benguèsson pus clars gn’abio éncaro planis, qué lour y prégnon, un cop un agnèl un aoutré cop uno aouéillo quand èro pas lé gous. Aqués loups èron pas dé ço qué crèbo dé fan, èron forts è hardits ; lour y fajo pas péino dé béni proché dés oustalsés.

pubs non contrôlées par le site  "Stress, Yoga et Psychosonique".

Doun amouquél téns bibio as Coundoms un hommé qué appèlaon Pounsét, bégno dé sé marida am’uno fillo dé Boundigous, magroustino è ménudo sémblao un maïnachou.Pértant èro robusto, té fouchao sa réngo dé mil coumo uno aoutro pla pus grosso. Ero quand mémo éstrangé dé la bésé tant paouc dé caouso. Anfin un joun dél més dé décémbré sé troubèe dins la nèit pla prou déréngado. Sé lèbo, sé cargo al pus bité un casabè è s’én ba defforo sul foumérié. Mès fousquèe pas pus lèon aqui qué té m’arribo uno grosso bèstio, la gulo dubèrto è l’aïré maïssanto, qué la prén am’un mos pér la camiso è lé casabè tout én y ésquissan calqué bricon  dé pèl amé sous nillals, qué d’uno brandido sé jètto lé biaché sur l’ésquino, è part tant bité qué poudio.

Quand à la Pouléto, sabio pas rés maït dé ço qué y arribao.La paon y abio faït pèrdré counéissénço, è s’én anao, én trigoussan un bricon lés pès è dé l’aoutré cap uno ma, sur l’ésquino dél loup. Pértant én èssén  brandido coumo èro la fasquèe rébéni pus bité. S’abisèe alabéts qué courio pér un bosc. A tout moumén lés pès y trabuccaon à dé cassés, las mas y réssoulaon dé ginèstos tout d’un cop débalèon éllo è lé loup dins quicon dé pla priout. Sémblao la fobio dé la Bajéto, y assénablèe récounéissé lé traouc plé d’aïgo qu’appèllaon la Gourgo.Lé loup la y anguèe trigoussa al pè. L’anguèe flaïra. La paouro Pouléto s’émmajénèe pla qué èro pas lé cop dé gaïré fourrata ; lé loup abro aüt lèon faït dé la éscana è fajo la morto tant pla qué sabio.

Apèi lé loup l’accatèe dé ramos dé cassé è s’én anguèe, dins paouc dé téns l’énténdèe à hurla pér appèla lés aoutrés.sans pèrdré téns, dérrapo un saout è sé mét à galoupa cats al sion oustal é tant bité qué poudio.Tout én courrén énténdio lé loup qué hurlao touchoun. Arribèe chèz élo adalido dintrèe d’un saout én férman la porto bité darré élo è galoupèe à sa crambo. Al brut qué fasquèe lé Pounsét sé dérébéillo : E dount bénés aro qué as pér pantèga parèillomén .Paouré fan, lé loup m’abio émpourtado juncos à la fobio dé la Bajéto.Apèi s’én és anat crida lés aoutrés è iéon m’én soun béngudo, Sabi pas coussi m’a pas tuado quand ièro. Encaro n’én podi pas poulsa. Baï - t’-én al illèit bité ès frédo coumo la nèon, mét té à ma plaço qué és caoudo.Baouc préné lé pigasson margat loung è lour y farèi bésé qué èi pas povu iéon tabés. Ount és qué l’abio méso dé la fobio dé la Bajéto ?(A la gourgo dél Piboul Cort). Y baouc dé suito aban qué toutis lés aoutrés chosquén arribats ; aqui mé partit én galoupan. Lés té doundarèi à cops dé pigassou. E s’én ba roundomén à la fobio dé la Bajéto, mounto sul piboul tort è s’assiètto sul chimèl qué fajo toudourgno pérqué èro éstat éscapitat pél bén. E s’y fasquèe uno plaço coumodo.

Prou lèon s’énténdèe dé frouilladisés qu’arribaon pér las ramos.E bénguèe qué n’arribaon touchoun maïtis ; la luno qué s’èro lébado lés fajo bésé dé maït én maït , ièron bé uno douxénado. Tout d’un sé méttèon à se battré amé furon, rounaon caïmaon hurlaon sé roullaon y abio uno bagarro tarriplo. Lé Pounsét régrétèe d’abé pas sèrcat un albré pus naout. Eron talomén émmalits qué y fasquèon pou é sé toumbèe un ésclop, qué en ridoulan pér las brancos fasquèe pla dé brut  è y anguèe al mieit. Aquél ésclop qué séntio l’hommé èro pas arribat qué fousquèe més én ésclapous è sé bénon méttré à rougagna lé pè dél piboul è dé toutis n’én fajon dé fracaché.

Alabéts lé Pounsét sé béjèe ficat. Aquélos nèis d’hibèr soun tant loungos ; abion pla lésé dé fa toumba lé piboul surtout sé èro un paouc bèrménat, é pér coumble dé malhur én s’adouban la plaço un paouc millou sé toumbao lé pigassou qué lé pousquèe attrapa tout just pél cap dél margué. L’acié dél pigassou brounzinèc én trabuccan à las brancos. E én énténdrén aco lés loups quittèon lé trabal pér agaïta én sus. Co qué béjèe lé Pounsét qué ba sèrca lé coutèl qu’abio touchoun à la pocho è sé mét à tusta tant qué poudio sul pigasson, è aco fajo pla dé brut.Sémblao qué lour y boulguèsso fa un calibari.Rougagnèon pas maït al piboul è couro lés unis couro lés aoutrés s’én anguèon toutis.Abro pla faït ço mémo mès aoujèe paon dé trouba touto la bando sul cami dél l’oustal, atténdèe qué lé joun arribèsso pér èssé pus tranquillé .Mès las nèis soun tant loungos én pléin hibèr qué lé joun bégno pas jamaï.Alabéts débalèe dé sul piboul è clapin !clapan !s’én anguèe cats à l’abrie è quand béjèe la Pouléto, y dissèe dél pus lène qué la béjèe( Riscos pas résqué y lournéi un aoutré cop.Mé soun bist  foutut ! sun pla hurous d’èssé aïssi. Aro un cop dédins té dirèi coumo s’és passat...

 

Google
  Web les petites toulousaines   


 

Google
  Web "les petites toulousaines"   


Psychosonique Yogathérapie Psychanalyse & Psychothérapie Dynamique des groupes Eléments Personnels

© Copyright Bernard AURIOL (email = auriol @ free . fr)

dernière mise à jour le

14 Décembre 2005